सांसद खतिवडा जसले २६ महिनाको १६ लाख तलब जिल्लाबासीको लागि खर्च गरे

ramhari khatooda

हामीले केहि सांसदले आफ्नो एक दुई महिनाको तलब जिल्लाबासीका लागि खर्चिएको वा अन्य कुनै प्रयोजनको लागि सहयोग गरेको त् सुनेकै छौ । तर कोहि सांसदले २६ महिनाको तलब जिल्लाबासीको नाममा खर्च गरे भनेको सुन्दा अनौठो लाग्न सक्छ । तर ओखलढुंगा क्षेत्र नं २ का सांसद रामहरी खतिवडाले भने आफ्नो २६ महिनाको १६ लाख ६५ हजार रुपैया तलब जिल्लाका विभिन्न व्यक्ति तथा संस्थाहरुलाई वितरण गरेका छन् ।

दोस्रो संबिधानसभाको निर्वाचनका बेला उनले आँफुले चुवाव जितेको खण्डमा उनले आफ्नो तलबको भागीदार आँफु नभई निर्वाचन क्षेत्रका गाउँलेहरु हुने बताएका थिए । सोहि अनुरुप नै उनले आफुले गरेको खर्च विवरण सोमबार सार्वजनिक गरेका हुन ।

सोमबार विवरण सार्वजनिक गर्दै खतिवडाले भने, ‘मलाई माननीय बनाउने मेरो जिल्लाका आदरणिय आम(बुवा दाजुभाई दिदी बहिनी हुन , त्यसकारण म २६ महिना सम्मको तलब गाउमानै वितरण गर्न चाहान्छु ।’ २०७० सालको निर्वाचनमा ओखलढुंगा क्षेत्र नं २ बाट नेपाली कांग्रेसको तर्पmबाट खतिवडा निर्वाचित भएका थिए । आफु निर्वाचित हुनुमा ओखलढुंगेली जनताको ठूलो हात र सहयोग भएको कारण सांसदका नाताले पाउने तलबको भागिदार आफु नभएर ओखढुंगेली जनता भएको भन्दै उक्त रकम जिल्लामा बाडेको बताएका छन ।

रामहरी आफै व्यवसायी हुन । उनले विभिन्न रेष्टुरेन्ट तथा पार्टी प्यालेसमा उनको लगानी छ । त्यही व्यवसायबाट भएको आम्दानीबाट खतिवडाले खर्च गर्ने गरेका छन ।

खतिवडाले वितरण गरेको आफ्नो तलवको विवरण यस प्रकार छ ।

१ बल बहादुर राइ सालीक निर्माण ५० हजार ओखलढुङ्गा

२ कृष्ण प्रसाद भट्टराई स्मृति प्रतिस्ठान ५० हजार ललितपुर

३ दिपप्रसाद खतिवडा क्यान्सर खर्च बारम्बार गरी ५० हजार

४ शान्ता उपन्यास लेखक पुरुसोतम दाहाल ५० हजार

५ वाक्सा बत्ती दुवानी खर्च ८० हजार

६ उबु गाबिस खुल्ला दिशा मुक्त कार्यक्रम ४० हजार

७ केतुके पुस्तकालय ५० हजार

८ मानेभन्ज्याङग उच्च मा बि ४० हजार

९ धिमिले नि मा बि ४० हजार

१० मुलखर्क पारा मा बि ४० हजार

११ पलापु उच्च मा बि कपि कलम ५१ हजार