प्रहरी नायव महानिरीक्षकद्वय उमेश राज जोशी र भिम प्रसाद ढकाल अतिरिक्त महानिरीक्षक पदमा बढुवा सिफारिस भएका छन् । गृह मन्त्रालयको बढुवा समितिको वैशाख ३ गतेको बैठकले डिआईजी जोशी र ढकाललाई एआईजीमा बढुवा सिफारिस गर्ने निर्णय गरेको हो ।
नेपाल प्रहरीमा जनपद प्रहरी समूहतर्फ उमेर हदका कारण २ जना एआईजीको पद रिक्त हुदै छ । रिक्त हुने पदमा बढुवा समितिले जोशी र ढकाललाई जनपद प्रहरी समूहतर्फ रहने गरि एआईजीमा बढुवा सिफारिस गरेको हो ।
जोशी हाल राष्ट्रिय प्रहरी प्रशिक्षण प्रतिष्ठान महाराजगंज, काठमाण्डौमा कार्यरत छन् भने ढकाल नेपाल प्रहरी प्रधान कार्यालय प्रहरी महानिरीक्षकको सचिवालय नक्साल, काठमाण्डौमा कार्यरत छन् ।