सिटिजन्स बैंक Citizens Bank International Limited ले साविकको तिनाउ मिसन डेभलपमेन्ट बैंकको शेयरधनीहरुलाई कर वापतको रकम तिर्न आग्रह गरेको छ । बैंकले साविकको तिनाउ मिसन डेभलपमेन्ट बैंकको बोनस शेयर वापत लाग्ने कर शेयरधनी स्वयंले तिर्नु पर्ने भएकोले तिर्नको लागि आग्रह गरेको हो ।
बैंकले आर्थिक वर्ष ७५/७६ र ७६/७७ को बोनसको कर तिर्न बाँकि रहेका लगानीकर्तालाई कर आग्रह गरेको हो । कर वापतको रकम जम्मा गरेपछि मात्र शेयर डिम्याट खातामा जम्मा हुने बैंकले जनाएको छ ।
बैंकले तिर्नु पर्ने कर विवरण सीबिआईएल क्यापिटलको वेबसाइटमा राखिएकोले त्यहाँबाट हेर्न सकिने जनाएको छ । थप जानकारीको लागि पनि क्यापिटल मै सम्पर्क गर्न बैंकले आग्रह गरेको छ ।
तिनाउ मिसनलाई सिटिजन्स बैंकले गाभेर एकिकृत कारोबार सुरु गरिसकेको छ । तिनाउ मिसन डेभलपमेण्ट बैंकका शेयरधनीले १०० कित्ता शेयर बराबर सिटिजन्स बैंक इन्टरनेसनल लिमिटेडको ९६ कित्ता शेयर पाउने गरि सिटिजन्सले तिनाउ मिसनलाई प्राप्ति गरेको हो।
