नेपालले आज मंगलबार विश्वकै पुरानो मेरिलिबोन क्रिकेट क्लब (एमसिसी)संग बेलायतको लर्ड्स मैदानमा प्रतिस्पर्धा गर्दै छ । बिश्व कै पुरानो टोलीसंग नेपालले लर्ड्स मैदानमा खेल्न लागेको यो पहिलो पटक हो। नेपाली क्रिकेट प्रेमीहरुले यस ऐतिहासिक क्षणको घर मै बसी मज्जा लिन सक्ने छन् । एमसीसीले आफ्नो आधिकारिक युट्युब च्यानल मार्फत खेलको प्रत्यक्ष प्रसारण गर्ने जनाएको छ ।
नेपाल र बेलायतबीच कुटनीतिक सम्बन्ध कायम भएको २०० बर्ष पुगेको अवसरमा यो खेल हुन् लागेको हो । क्रिकेटको 'मक्का' समेत भनिने लर्ड्समा हुन् लागेको यो खेल ५० ओभरको हुनेछ ।
बेलायत भ्रमणमा रहेको नेपालले यहि जुलाई महिनामा त्यहाका ४ स्थानीय क्लबसंग अभ्यास खेल खेलेको थियो । ४ ओटै खेलमा जित दर्ता गरेको नेपाली टोली उच्च मनोबलमा छ ।
बेलायत प्रस्थान गर्नु अघि नेपाली टोलीका कप्तान तथा प्रशिक्षकले नेपालका लागि लर्ड्समा खेल्नु नै ठूलो अवसर भएको बताएका थिए । खेल हेर्न १० हजार नेपाली आउने अनुमान आयोजकले गरेको छ । खेलको लागि टिकटको मूल्य १० पाउण्ड राखिएको छ भने ६५ बर्षभन्दा बढी उमेरकाले ५ पाउण्ड मै खेल हेर्न सक्ने छन् । १६ बर्ष मुनिकाले निशुल्क रंगशालामा गएर खेल हेर्न सक्ने छन् ।
खेल नेपाली समय अनुसार दिउँसो ३ :१५ बजे सुरु हुनेछ ।
आगामी महिना नेदरल्यान्डसँग उसकै घरेलु मैदानमा विश्व क्रिकेट लिग च्याम्पियनसिप खेल्ने तयारीमा रहेको नेपाल राष्ट्रिय क्रिकेट टोली मेरोलेबोन क्लबको निम्तोमा बेलायत पुगेको हो ।
लाइभ हेर्ने लिंक ।